2-02-2014
Ni renovigis nian vintran montgrimpadon al la monteto super nia urbo - Dubeň. Ĉar ĉi vintre ne estas tro multe da neĝo, la grimpado ne estis tipike vintra, nek pretenda. Ni ĝuis agrablan tempon en naturo!
14-05-2011
Ĉu vi konas la montopinton Poludnica? Vere jes! Ĝi situas en Slovakio, en Malaltaj Tatroj.
E-vojaĝantoj kaj turistoj ĉi tie renkontiĝadas ĉiujare vintre. Tiun aranĝaĵon organizas LEK-anoj.
Ni, Žilinanoj el ESONO, decidiĝis viziti ĝin en majo. Sen neĝa kovrilo. La naturo estis belega. Bonvolu rigardi.
Jana Kostolná
17-10-2010
Ni renkontiĝis ĉe la stacidomo en Žilina. Poste ni veturiĝis per la buso al Lietavská Svinná. De tie estas la plej belega rigardo al la kastelruinoj de Lietava. Ni admiris ĉirkaŭaĵon, vizitis skanzenon kaj poste rostis lardon kaj kolbason rekte sur la granda korto de la kastelo Lietava. Kun bona humoro ni revenis al Žilina. Čeestintoj: Jana Kostolná , Joja Staníková, Renáta Staňová, Miro Valášek kaj amikinoj de Esperanto: Adriana Albertová, Mária Zelná.
Jana Kostolná
26-09-2009
Ĉi jare la 26-an de septembro okazis tradicia turisma ekskurso Ora aŭtuno. Siatempe tio estis 3-taga semajnfina aranĝo plena da Esperanta etoso kaj programo. Nun ĝi pluas almenaŭ unu tage - sabate. Ĉi jare ĝin partoprenis nur anoj de ESONO: Aďa Albertová, Janka Kostolná, Milka Kvaššayová kun la 10-jara filo Miško, Lucia Mikulovská kun la 7-jara filo Miško, Jana Mitašová, Renáta Staňová, Miro Valášek. Komencon de la ekskurso partoprenis ankaŭ Juraj Gondžúr, kiu - kiel ĉiam - alveturigis iujn turistojn.
La vetero estis suna, belega. Vere ora aŭtuno. La paŝadon ni komencis ĉe la kastelo Kunerad (600 m.s.m.), kie pasintjare estis fino de la vojo. Pluen la vojlinio kondukis tra Svitačova dolina (690 m.s.m.), Veterné (1442 m.s.m.), Veľká lúka (1476 m.s.m.), Krížava, vysielač (1457 m.s.m.), Pod Krížavou (1430 m.s.m.), Minčol (1364 m.s.m.), la vilaĝo Višňové (450 m.s.m.). De Višňové ni per la buso revenis al Žilina. Entute ni piede trairis 21 km.
Dank al suno kaj belega vetero ni havis eblecon dumvoje manĝi multe da mirteloj. Ankaŭ pro tio nia vojo daŭris iom pli longe ol ni planis.
11-01-2009
En la vilaĝo Rajecká Lesná (alinome Fryvald) oni havas eble la plej grandan gutglacion en Slovakio. Kelkmetra peco de glacio ja neelkreskis ie de sur tegmento, paradokse ĝi kreskas el tero. En la valo Lesnanka, nur kelkajn kilometrojn apud la vilaĝo Rajecká Lesná, ŝprucas el la tero akva gejsero. Kiam frostas, post kelkaj semajnoj el ĝi fariĝas giganta gutglacio. Kiam sunbriliĝas, maso da glacio havas bluan tonon. Al lokan atrakton alvenas rigardi ne nur Slovakoj, sed ankaŭ alilandaj turistoj. En la bazo estas gutglacio ege larĝa. Ĉirkaŭbrakumi ĝin devus alveni ĝis 12 viroj. La alteco de stalaktito estas 7 eĉ 8 metroj. Akvofluo estas sufiĉe forta, ke ĝi trovus la vojon eksteren ankaŭ de sub la maso da glacio. Malgraŭ tio ke frostas, super la gutglacio, stalaktito, la akvo ŝprucas je tri metra alteco. La gejsero ne ekestis naturmaniere, sed artefarite. En la akvotubaro de la akvofonto estas farita truo kaj premo de akvo estas tiom forta, ke somere tie ŝprucas maso da akvo ĝis alteco dektri metroj.
12-10-2008
Estas la 12-a de oktobro 2008. Estas suna, belega vetero. Vera ora aŭtuno. Geklubanoj el Žilina-a Esperanta klubo decidiĝis viziti naturon. Ni konatiĝis kun tereno en montaro, kie multaj el ni ankoraŭ ne estis. Nia komenco estis en la vilaĝo Rajecká Lesná, kaj ni daŭris sur la montdorso de montaro Malgranda Fatro. Kaj ni finis ĉe la kastelo en vilaĝo Kunerad. Ĉeestantoj: Gvidanto de la turisma ago estis Mirko Valášek, sed gvidanto en montaro estis la plej juna ĉeestantino - lia Katka. Aliaj ĉeestantoj: Janka Kostolná, Jano Kresák, Jana Mitašová, Iveta Morgošová, Jolana Staníková, Renáta Staňová, Hanka Urbanová. Kaj nia persona ŝoforo estis kiel ĉiam Juraj Gondžúr kun sia filo.
Renkontiĝoj | Stretnutia
Dom Matice slovenskej, Hollého 11, Žilina
ĉiun lundon / každý pondelok
17:00 - 18.30 h
(krom somera ferio / okrem letných prázdnin)
