Esperanto asocio en Žilina fondiĝis kun la celo
kunigi Esperantistojn el Žilina, disvastigi uzadon de Esperanto,
propagandi ĝin en komunikadon kaj tiel bonigi kompreniĝo inter homoj
de diverzaj nacioj; propagandi sian regionon, sed ankaŭ la tutan
Slovakion eksterlande. Kun tempodaŭro la influo de la Žilina movado
disvastiĝis en la tutan regionon - Kysuce, Bytča,
Rajecka kaj Terchovska valo.
Estraro de ESONO ekde januaro 2011:
Prezidanto
Miroslav VALÁŠEK
Vicprezidanto
Magdaléna FEIFIČOVÁ
Ekonomino
Jolana STANÍKOVÁ
Historio de ESONO
Laŭ jarlibroj de UEA jam en la jaro 1920 funkciis en Žilina kiel
delegito sinjoro Jozef Popper, en la jaro 1925 sinjorino Irene Rábi
kaj poste ankaŭ aliaj. Esperantistoj kunvenadis semajnfine en hotelo
Rémi. Ni scias, ke en la jaro 1933 gvidis kurson de Esperanto sinjoro
Goldstein.
La unuaj numeroj de tiel bone konata Esperantisto Slovaka estis
eldonitaj en Žilina en la jaro 1946. Ïia redaktoro estis nestoro
de slovaka esperanta vivo sinjoro Ernest Váňa, tiutempe vivanta
en nia urbo. Li favore gvidis kursojn en lernejoj, inter skoltoj,
en Domo de sindikatoj ktp. kaj li havis pli ol 200 lernantoj. En
tiu jaro kurson ĉeestis ankaŭ nia la plej maljuna klubano sinjoro
Závodský. Inter aktivuloj mi devas mencii s-ron Bárta. Sinjoro Váňa
aktivis ne nur en Žilina, li estis post milito ĉefdelegito de UEA
por Ĉeĥoslovakio kaj vicprezidanto de Slovaka E-societo SES (fondita
en Martin en la jaro 1947). En la jaro 1948 li el Žilina foriris.
La rolon organizi esperantan vivon transprenis sinjoro Miro Závodský,
kiu fondis kaj gvidis rondeton Espero en la jaro 1955. En la jaro
1957 fariĝis prezidanto prof. František Révay. Tiam jam en rondeto
laboris ankaŭ fratinoj Gabaríková (Dvořáková kaj Hromadíková). Dum
la jaroj 1958 – 62 oni organizis regulajn Renkontiĝojn de esperantistoj
en Rajecké Teplice. Sinjoro Závodský fondis rondeton ĉe Domo de
pioniroj en la jaro 1962 kaj en la jaro 1963 kun aliaj interesuloj
ili fondis Esperanto-klubon ĉe Domo de Sindikatoj en Žilina. Li
estris la klubon kelkajn jarojn. Krom li tiatempe jam gvidis kursojn
ankaŭ gesinjoroj Révay, Němec, Anna Gabaríková kaj aliaj. En la
jaro 1966 sinjoro Závodský esperantigis prospekton pri Žilina kaj
sendis al multaj adresoj en mondo por propagi nian urbon. Tiam jam
la klubo havis montroŝrankon en centra urboplaco Dukla.
En la jaro 1969 fariĝis sinjoro Závodský komitatano de novkreita
AESSR. Kaj en tiu ĉi jaro absolvis E-kurson de prof. Révay nia kronikisto
sinjoro Majtán. Venontan jaron organizis s-ro Kovář Internacian
fervojistan E-skisemajnon en Vrátna valo, kiun partoprenis ankaŭ
eksterlandaj esperantistoj. Tiun ĉi jaron klubanoj vizitis faman
artpentriston Martin Benka.
En la jaro 1971 komencis eldoni s-ro Němec multobligitan kluban
bultenon Informilo (ĝis 1974) kaj en jaroj 1975 – 77 li redaktis
jam presitan bultenon Raketo. En la jaro 1978 s-ro Závodský fondis
pioniran E-rondeton en la urboparto Závodie. S-ro Němec fariĝis
nova prezidanto de E-klubo ĉe Domo de Sindikatoj (ĝis 1984). Sub
lia gvido estis en la sama jaro en Žilina organizita Seminario pri
apliko de Esperanto en scienco kaj tekniko AEST, kiun partoprenis
pli ol 50 esperantistoj en kelkaj landoj.
En la jaro 1979 E-klubo organizis la unuajn Turismajn Tagojn TUTA
kaj ili regule ĉiujare ripetadis en tute 15-foje (la lastaj en la
jaro 1984) kaj fariĝis famaj inter tiamaj socialismaj landoj. Dum
jaroj ilin prizorgis multaj fervoraj klubanoj, tamen mi devas mencii
almenaŭ tiujn la plej signifajn organizantojn – Němec, Hanzel, Činčura,
Majtán, Dobeš, Gondžúr.
En tiuj jaroj sub gvidado de s-ro Němec estis bone organizita
instruado de Esperanto en tri ŝtupoj – komencantoj, progresintoj,
konversacio. Krome lin instruis ankaŭ s-inoj Gerová, Bungerová (Sabová).
Žilinanoj instruis ankaŭ en E-klubo Kysucké Nové Mesto.
En la jaro 1981 organizis E-klubo konferencon KAEST’81 kaj en
kampo de scienco klubanoj daŭrigis klubanoj prelegante en Budapeŝto
dun konferencoj Interkomputo’82 kaj Interkibernetik’85. Aperiĝis
ankaŭ nova kluba bulteno “Spravodajca”, poste ĝis nun konata kiel
Raportanto.
De la jaro 1983 s-ro Závodský kun celo interesigi ankaŭ gejunulojn
instruis Esperanton en baza lernejo Žilina-Závodie en tiea pionira
grupo. Li alligis amikajn kontaktojn ankaŭ kun aliaj E-grupoj ekzistantaj
ĉe lernejoj (Germanio, Pollando kaj Hungario) kaj efektivigis reciprokajn
vizitojn inter ili.
Dum nuna tempo (tempo de aktivaj jaroj de nuna klubanaro) prezidentis
la klubon gesinjoroj Gondžúr, Fejfičová, Fedorová, Valášek. Tiu
ĉi periodo estas nur koncize priskribita.
Dum la jaroj 1990 - 1992 estis en klubo eldonitaj du lernolibroj
de V. Němec – Ni parolas esperante kaj Esperanto – miksita metodo
– kurso por komencantoj kaj progresintoj.
La klubo devis trovi kelkajn novajn sidlokojn – Domo de junularo
en Štefánik-strato, Domo de pioniroj kaj nun Domo de Matica slovenská.
En klubo kreiĝis forta fervojista grupo sub gvidi de M. Feifičová.
La klubo eĉ aktive kunorganizis Universalan kongreson de fervojistoj
en Košice.
E-klubo Žilina kune kun E-klubo Lipt. Mikuláš estis ĉefaj fortoj
kreis novan Mezslovakian Esperanto-Ligon en la jaro 1995 kaj en
la jaro 1997 Slovakian Esperantan Federacion.
|